Deg tegnit ideg izad leḥris d usataɣ, mgal akk ayen ttrajun izayriyen, iḍelli ass n 20 yennayer 2022 asqamu n uwanek yefka tamhelt i tukksa d uḥbas n leεḍil i leqdac n ukabar-nneɣ, d uɣlaq akk n yiwandanen-ines anda ma llan. Anect-a nettwali-t d tuccḍa i yecceḍ udabu deg yizerfan n wagetkabar. Akken diɣ i nezmer ad neḥseb anect-a d teεdiya ɣef tlelli d tugdut deg tmurt-nneɣ.
 
Ilaq ad d-nesmekti d akken rray-agi i yeddem usqamu n uwanek yella-d srid mi yessers uneɣlaf n ddaxel tanurẓit mgal akabar-nneɣ deg wass n 26 yebrir 2021, anda i d-yufa sebba ɣef ulukez i iga ukabar akken ad isuddes agraw-is. Tigawt-agi i tga teɣdemt nerra-as uqbel ad yekfu wakud i aɣ-d-fkan, anda nga agraw-nneɣ, syin akkin nceyyeε-as i uneɣlaf n ddaxel s ubrid n usaddef anda it-yewwi n umedlallag (lusi) n teɣdemt s yimad-is.
 
Azeyyed n leḥris-agi yegla-d s ugar n 300 n yimekraf gar yimeɣnasen n tsertit d wid n rray, d waṭas i teṭṭafar teɣdemt ama imeɣnasen neɣ d timeɣnasin n tegrawla, wid i iqeddcen deg yiẓedwan n tmetti, ineɣmasen, imasyanen, isdawanen, imeɣnasen n tdukliwin, iqerra n yikabaren n tsertit am Fetḥi Γerras d yinmula am Qeddur Cwica, d wiyaḍ.
 
Adabu anagar ttawil-a i d-yufa akken ad d-yerr ttar deg-nneɣ, ad nxelles adɣar-nneɣ asertan d ukfawen-nneɣ deg umussu aɣerfan akked yibeddi-nneɣ ar yidis n yixeddamen akked wid yettnaɣen s umata.
Maca leḥris-a isenɣas di tezmer n tmurt akken ad tqabel acengu n berra. Γas akken s yimi hedren ad sǧehden tazmert n tirni n daxel i yettnaɣen mgal isehyuniyen d wid yettnaɣen mgal tasihrant.
Akabar-nneɣ yebda amennuɣ-is s wudem uffir deg useggas n 1974, yerna serwan-as atabaε d leḥris i d-yebdan seg useggas 1989 s yisem n PST u mazal yettkemmil.
 
Amennuɣ-nneɣ yekcem deg umezruy i d-tettaǧǧa tsuta i tayeḍ ama d imeɣnasen neɣ d timeɣnasin, tikwal xelsen akfawel-nsen deg ukabar-a s tudert-nsen. Ass-a amennuɣ-nneɣ yettkemmik gar yixeddamen, gar ugdud mgal asataɣ d leḥris d tlelli n yimekraf n tsertit d rray d uqader n tlelli d tugdut. Amennuɣ-nneɣ ad ikemmel ɣef tnaya taɣerfant, d ufran n tdamsa akked tsertit. Amennuɣ-nneɣ mgal tasertit n tdamsa timsereḥt d tsihrant akked tzemmar tigreɣlanin. Amennuɣ-nneɣ akken ad d-nerr ibuɣar n tmurt gar yifassen n ugdud. Amennuɣ-nneɣ ad ikemmel i usbedded n usqamu amendawi ilelli, ara iseḥbibren ɣef yizerfan n uẓawali d wayen yessaram ugdud.
 
Deg tegnit yecban tagi, ad nsenmer akk wid i d-ibedden ɣer yidis-nneɣ ama dagi di tmurt neɣ berra i tmurt degmi d yeffeɣ lexbar n uḥbas n ukabar n PST i yettwaḥsaben d tiɣmert n umennuɣ mgal asataɣ d leḥris.
S wakka nesbedd tarbaεt ara iεeddin ɣer tnaɣlaft n ddaxel, mi ara aɣ-d-iwekked usqamu n uwanek s tira. Akken ad d-nesteqsi amek ara nekkes tamhelt-agi n uḥbas n ukabar d leqdicat-is
Amennuɣ yettkemmil…
 
Tanmehla taɣelnawt n Ukabar Anemllay n Yixeddamen (PST)
 
Ass n 22 yennayer 2022.

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici