Mgal tifranin n tselwit d ukemmel n unhil-a isefk ad d-nebnu asduddes-iman aɣerfan d uheggi n usunded amatu asduklan!

Deg yal tama n tmurt, ɣas ulama deg unẓul, amennuɣ n tegrawla-nneɣ yessaweḍ ɣer wayyur-is wis mraw, anda ara naf tuget deg ugdud igzem-itt di rray d akken ur d-ttilint ara tifranin n tselwit i d-iteddun. Deg yiwen n umusu werjin d-yeḍra deg tmurt n Lezzayer ad naf ixeddamen, ilmeẓyen, tulawin d uɣref s umata sagten amennuɣ s talwit mgal akemmel n unhil-a i ibedden ɣef tdamsa timserraḥt, aḥeqqar, asihran.

Deg wasmi i d-berḥen s uqbal d usebdded n semmus n yimrecḥen i d-yeffɣen deg unhil aqbur n Butefliqa , ladɣa segmi i yebda uberraḥ n tefranin n tselwit inerna s waṭas usebges mgal-nsent deg yal aɣir ama d tikliwin deg yiḍ neɣ d agdal n uberraḥ n tefranin neɣ d aḍerref n wid i d-ibedden ɣer tefranin-a, war ma nettu tikliwin n yal imalas akked usunded amnaḍan n yal agezzum d uheyyi n usunded aɣelnaw. War ma nettu asebges aɣerfan i uɣunzu n tefranin n 12 dujember 2019.

Am udabu-a am wayen i ixeddem yeffeɣ berra i usadef !

Ayen i yesewhamen d adabu asardasan yellan ddaw laεnaya n uɣella n yiserdasen i yettnadin kan ɣef lfayda-s, ad t-naf mgal lebɣi n ugdud d tnaya taɣerfant, d uεraḍ n usεeddi n tefranin n tselwit s yiɣil akken ad ikemmel unagraw n wass-a.

S udabu i yeffɣen i yiduḍaf d lebɣi n ugdud ad naf Bedwi yelha-d d usεeddi n waṭas n yisuḍaf mgal agdud d tmetti s umata. Seld sin n yimalasen send tafrant n tselwit ad t-naf isebded-d mraw n yigzda imaynuten d kuẓ n tmerwin d ukuẓ (44) n yigzda inesmigalen d usenseb n yixeddamen nerkid ara seg sya ar taggara n useggas n 2019 d 2021, d usemsawi n liḥala n luluf n yixxamen n ddula…atg.

Akken daɣ i yesεedda sqamu n tejmaεt n luma lqanun i isedduyen lpitrul, d usεeddi n usaḍef n tedrimt n 2020 akka kra n wussan ɣer sdat, d uḍman n lmaslaḥa d lfayda n termisin tiberraniyin i yettεawanen anhil-a akken ad yeqqim deg laḥkem. Seg tama nniḍen ad naf adabu iseqdac iɣil d tekriḍt mgal imesbaniyen, am wayen i xedmen deg Tubiret deg wass n larebεa 27 wamber, i d-yeglan s waṭasn yimeḥbas d yimejraḥ, war ma nettu asekref n tlelli d tugdut deg tmurt, akken daɣ ara naf aseqdec n tkerkas d tkellax am uheggi n tikliwin n lekdeb i yettaran tajmilt i yiserdasen yerna «ssawalen ɣer tefranin tselwit am wakken d ttawil awḥid akken ad teffeɣ tmurt deg tezɣent i tettidir».

Deg yiwen wattal n umennuɣ gar ugdud d semmus n yimrecḥen i d-ibedden ɣer tefrnin i yesεan yiwen n wahil adamsan imserraḥ, wid i d-igellun s yiɣalen n laman yid-sen akken ad seḥbibren ɣef teɣlist n tzeɣwa tilmawin. Γef waya ilaq ad ɣlint tefranin-a n tselwit s wudem n talwit.

Ilmend n tegnit-a akabar anemlay n yixeddamen (PST) isawal ɣer usuddes-iman amagday n tegrala-nneɣ s ubrid n yisquma, d yizdayen akked tesmidag tiɣerfanin deg yal agezzum n umahil, deg yal tamnaḍt n tmurt, akken daɣ i yessawal ukabar anemlay n yixeddamen (PST) ɣer usunded amatu aɣelnaw asduklan, akabar-a yekcem deg yiwen n ugraw i d-ijemεen ikabaren n tsertit d yinmaluyen n yal agezzum deg tmurt PAD, akken ad d-heyyin lwaḥid asunded aɣelnaw ara iseɣlin tifranin n tselwit n 12 dujember. Maca imi amusu-nneɣ aɣerfan isutur abeddel anmetti amagday seg uẓar akken ad d-nerr tanaya taɣelnawt d udqamu amendawi ilelli.

• Ala i tefranin n tselwit, ih i ubeddel amagday!

• Ala i ukemmel n unhil-a, ih i usqamu amendawi ilelli!

Tamrayt taɣelnawt n PST

Lezzayer, ass n 27 wamber 2019

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici